Можности за студентите на ФИНКИ – OpenAI хакатон, волонтирање и студентски билети
Почитувани,
Во рамки на AI Tech Summit „Filip Avramchev“, кој ќе се одржи на 22 и 23 септември во Националната опера и балет, оваа година имаме неколку посебни можности за студентите на ФИНКИ.
Најважната е студентскиот Hackathon powered by OpenAI, кој ќе трае од 19 до 23 септември. Тимовите ќе бидат составени од 2 до 4 студенти, а ќе работат со ментори – AI експерти од македонските IT компании. OpenAI ќе обезбеди лиценци и поддршка за учесниците.
Првите три дена тимовите ќе работат од дома и потребно е секој студент да има сопствен лаптоп. За време на самитот ќе има посебен простор во AI Labs со маси, монитори и дополнителна опрема, каде тимовите ќе продолжат со работа, а посетителите ќе можат во живо да следат што создаваат.
Најдобрите три тима ќе добијат можност да ги презентираат своите решенија на Main Stage пред публика и жири составено од меѓународни AI експерти. Предвидени се и вредни награди, OpenAI лиценци, можности за практикантство и други награди од партнерите на настанот.
🔗 Hackathon Instagram објава: Instagram
🔗 Hackathon пријава / Tally форма: AI Student Hackathon powered by OpenAI – Registration
Дополнително, сите студенти на ФИНКИ кои сакаат да бидат дел од организацијата можат да се приклучат како волонтери во текот на двата дена. Ќе бидат вклучени во логистика и организација, работа со AI hardware и уреди кои ги очекуваме на самитот, вклучително и роботи, како и во игрите, интерактивните активности и останатите содржини на настанот. Во зависност од капацитетот на Main Stage, волонтерите ќе имаат можност да ги следат и презентациите.
🔗 Форма за волонтери: https://tally.so/r/Y568KJ
За студентите кои сакаат да присуствуваат како посетители, а не како волонтери или учесници на хакатонот, обезбедуваме специјална студентска цена од 50 € наместо редовната цена од 250 €.
Кодот за студентски попуст: Student80
Повеќе информации за програмата, меѓународните говорници и целиот настан може да се најдат на официјалната веб-страница:
