Бојана Маројевиќ
Бојана Маројевиќ е родена во Скопје, каде и завршува основно и средно гимназиско образование со континуиран одличен успех. Во 2020 година се запишува на додипломски студии на насоката Software Engineering and Information Systems на Факултетот за информатички науки и компјутерско инженерство – Скопје, каде што дипломира во септември 2024 година. Дипломскиот труд е на тема „Architecture and Implementation of an Integrated Solution for Faculty Services at FCSE“ под менторство на проф. д-р Ристе Стојанов.
Во декември 2023 година е ангажирана како лаборант-тутор на ФИНКИ. Во рамки на оваа улога учествува во одржување и унапредување на студентските сервиси на ФИНКИ, обезбедува техничка поддршка и менторство на студенти, како и водење консултативни часови за проектни активности по предметот Веб програмирање. Во учебната 2024/2025 година се запишува на постдипломски студии на Факултетот за информатички науки и компјутерско инженерство, на студиската програма Data Science in Computer Science and Engineering. Во октомври 2024 година продолжува со ангажман на факултетот за развој и одржување на факултетските сервиси. Учествува во медицински ориентирани истражувачки проекти поврзани со анализа на податоци и софтверски развој. Во јули 2026 година магистрира со труд на тема „Proteasix: A Data-Driven Platform for Reverse Protease Prediction from Peptide Cleavage Signatures”, под менторство на проф. д-р Ристе Стојанов и во соработка со Институт за метаболички и кардиоваскуларни заболувања во Тулуза, Франција.
