Во четврток, 27 јуни 2013 год. во 11 часот се одржа прес конференција по повод отворањето на Регионалниот центар за социјални иновации, во SMART лабораторијата на Факултетот за информатички науки и компјутерско инженерство – ФИНКИ.

 

На овој настан свое обраќање имаа Министерот за образование и наука, г-дин Спиро Ристовски, Ректорот на Универзитетот св. Кирил и Методиј, проф. д-р Велимир Стојковски, В.Д. постојаниот претставник на Програмата за развој на Обединетите нации (УНДП) г-дин Алесандро Фракасети и Деканот на ФИНКИ, проф. д-р Димитар Трајанов. 

 

Регионалниот центар за социјални иновации е основан од ФИНКИ и УНДП и ќе функционира како Центар за трансфер на технологии во кој иновациите ќе бидат ставени во функција на унапредување на општествениот развој. Центарот ќе бара идеи и партнери кои ќе поддржат бизниси во основање и преку менторство, тренинг и експертиза ќе им помогнат на иноваторите да ги реализираат своите идеи преку кои ќе придонесат кон позитивни промени во општеството. 

 

Во прилог можете да погледнете фотографии од прес конференцијата.