Согласно донесениот Закон за основање на ФИНКИ, тековните студенти имаат избор каде ќе го продолжат своето студирање. Секогаш кога се прави избор, потребно е да се размисли и да се одбере опцијата која сметате дека ќе биде најдобра за Вашата иднина. Изборот кој ќе го направите сега ќе Ви ја определи припадноста на одредена организација и тој избор ќе ги определи Вашите релации со факултетот, професорите, како и околината која ја создава факултетот и професорите.

 

Прво да објасниме што избирате. Во овој случај не се работи за префрлање од факултет на факултет, не се работи за отпишување од еден и запишување на друг факултет, туку едноставно се работи за избор за тоа на кој факултет ќе ги ПРОДОЛЖИТЕ Вашите студии. ФИНКИ е креиран како факултет на кој ќе продолжат да се изведуваат студиските програми кои ИКТИ и ИИ ги негуваа до сега. Овој избор мора да го направат сите студенти: и студентите што ќе продолжат со студиите на ФЕИТ/ПМФ и студентите што ќе продолжат со студиите на ФИНКИ.

 

 

Детали за постапката на изјаснување за продолжување на студиите се веќе објавени на веб страната на Факултетот.