Повик за аплицирање за стипендии за постдипломски и докторски студии на ФИНКИ

Друштвото за наука и инженерство ИНТЕЛИГЕНТА објавува повик за аплицирање за стипендии за студенти на постдипломски и докторски студии на ФИНКИ.

Повикот е наменет за млади и талентирани истражувачи кои моментално се запишани или во наредниот период планираат да се запишат на постдипломски или докторски студии на ФИНКИ, и кои имаат интерес да се вклучат во истражувачките проекти на компанијата.

Се бараат високо мотивирани студенти со изразен интерес за истражување, кои сакаат да стекнат напредни теоретски знаења и да ги применат во практични и иновативни решенија.

Предност при изборот ќе имаат кандидатите кои се ангажирани како лаборанти, демонстратори, соработници или асистенти на ФИНКИ.

Што нуди програмата:

• Менторство и работа со искусни експерти и професори
• Научен придонес и можност за научни публикации
• Финансиска поддршка:
  • 3.600 ЕУР за постдипломски студии
  • 5.400 ЕУР за докторски студии

  (за период од 12 месеци, со вклучени 1.200 ЕУР за школарина)

Стипендијата за постдипломски студии е со времетраење од 12 месеци, додека за докторски студии е во траење од 36 месеци.

Како да аплицирате:
Испратете професионална биографија и кратко мотивационо писмо на science@inteligenta.io, најдоцна до 30.12.2025.

Контакт за информации:
Телефон: +389 71 314 155
Е-пошта: goran.velinov@inteligenta.io, boro.jakimovski@inteligenta.io