Компанијата Евер-Неар, која и оваа година има отворени места за практиканти, ги поканува студентите на ФИНКИ да аплицираат за едно од четирите практикантски места во текот на летниот период. Праксите се во времетраење од 3 месеци.

Во текот на изведбата на праксата, студентите ќе имаат можност да се запознаат со најнови технологии (од информациони системи, до напредни комуникациски технологии и серверски апликации), ќе можат да стекнат искуство во работа во вистински тим, на реални проекти кои тековно се изведуваат во компанијата.

Кандидатите за пракса треба да ги исполнат следните услови:

• да ги имаат ислушано сите предмети од последната година на студии;
• да не се вработени и да немаат претходно искуство (на пракси или друго вработување);
• одлично познавање на англиски јазик;
• солидни комуникациски способности;

 

Примените практиканти ќе ги имаат следните задачи:

• да работат во тим;
• да учествуваат во изработка/одржување на информациони системи;
• да учат и применуваат нови технологии;
• да покажат колку се способни да ги извршуваат професионалните задачи;

 

Оваа година Евер-Неар ќе прими два вида практиканти:

• Практикант програмер – ќе работи во повеќе фази на развој на софтвер, во тим составен од искусни програмери и останати практиканти. Дополнителни квалификации:
• солидни (факултетски) познавања од основи на развој на софтвер;
• солидни познавања од работа со релациони бази на податоци;
• повеќе информации;
• Практикант систем администратор – ќе се запознае со разновидни хардверски и софверски решенија кои во моментот се во употреба во компанијата и ќе работи самостојно или во тим на разни задачи поврзани со нивно управување и одржување. Дополнителни квалификации:
• основни познавања од конфигурација на мрежи и мрежни уреди;
• основни познавања од Windows 2008 серверска платформа;
• повеќе информации;