02/02/2012
![](https://finki.ukim.mk/sites/default/files/styles/medium/public/windows-phone-tmobile_2.png?itok=N7BkX6zO)
Факултетот за информатички науки и компјутерскo инженерство ги поканува своите студенти да земат учество во првиот Windows Phone програмерски предизвик, организиран од страна на Microsoft и T-Mobile. Натпреварот започнува на 01.02.2012, а ќе трае до 15.04.2012 година.
Најдобрите апликации ќе бидат наградени со HTC телефони со Windows Mobile оперативен систем, а дел од останатите апликации ќе добијат можност да бидат промовирани во Windows Phone и T-Mobile рекламни кампањи, вклучувајќи банери, јавни објави во медиумите, настани и социјални активности.
Правилата на натпреварот можете да ги погледнете на следниов линк.
Во рамки на предизвикот ќе биде организиран дводневен камп за програмирање кој ќе се одржи на ФИНКИ, а на кој учесниците ќе можат да научат како да креираат Windows Phone апликации.
Алатки и ресурси за Windows Phone програмирање, како и дополнителни информации за натпреварот, можете да најдете на официјалната веб страна на предизвикот.