НЛБ Тутунска банка објавува отворен конкурс за практиканти и ги поканува студентите на ФИНКИ да аплицираат.

НЛБ Тутунска банка нуди можност за остварување на практикантска работа во рамки на Секторот за Информатичка Технологија на Банката, за сите динамични и мотивирани студенти кои се заинтересирани за запознавање на банкарското работење.

Заинтересираните кандидати потребно е да ја пополнат апликацијата за пракса, која е поставена на web страна та на банката, доколку ги исполнуваат следните услови:

• да се студенти на додипломски студии или последипломски студии на Факултет за информатички науки и компјутерско инженерство;
• да имаат солидно познавање на англискиот јазик;
• да имаат познавање на MS Office пакетот;
• да имаат позитивен пристап и мотивираност;
• да имаат подготвеност за работа и тимски дух.

Реализација на работната пракса е во траење од 1 (еден) месец, со можност за продолжување до 3 (три) месеци, во Скопје.

Праксата ќе се организира согласно динамиката на барањата на Банката за практиканти и селекција на кандидатите кои се пријавиле за пракса.