15/05/2012
Во рамки на предметот Надежност на софтвер од магистерските студии ќе се одржи покането предавање на тема 'Microsoft Dynamics AX 2012' во среда 16 мај 2012 со почеток во 18:00 часот во амфитеатарот на Технолошко-металуршкиот факултет. Предавањето ќе го одржи г-дин Ристе Маревски од Infinite Solutions.
Ги покануваме сите заинтересирани студенти на ФИНКИ да присуствуваат на предавањето.
За предавачот:
Ристе Маревски е дипломиран Инженер по информатика на ФЕИТ. Во моментов тој е студент на постдипломски студии по Софтверско инженерство на ФИНКИ и вработен во компанијата Infinite Solutions каде активно учествува во имплементации на ERP системи. Помеѓу позначајните проекти e имплементацијата на ERP систем во Министерството за одбрана/АРМ.
Во текот на работењето се има стекнато со меѓународно признати Microsoft сертификати од областа на имплементација на Dynamics AX 2009. Области од интерес се ERP системите, комбинаторна оптимизација и препознавање на облици. Во тој правец, има публикувано труд од областа на ERP системите на овогодинешната интернационална конференција за претприемаштво, иновација и регионален развој - ICEIRD 2012.