26/04/2025

Повик за учество на креативниот натпревар „Кликни Безбедно!“

Дали си полн со идеи, мотивиран и подготвен да направиш позитивна промена во дигиталниот свет? Пријави се на националниот креативен натпревар „Кликни Безбедно!“, кој ќе се одржи на 10 и 11 мај 2025 година во Скопје, како дел од проектот МКSafeNet.

Што претставува „Кликни Безбедно!“?

Ова е дводневен хакатон наменет за средношколци на возраст од 16 години нагоре од сите јавни и приватни училишта во земјата. Целта е развој на креативни дигитални содржини или софтверски решенија кои промовираат безбедно и одговорно користење на интернетот – за млади, наставници, родители и пошироката јавност.

Тимовите треба да бидат составени од 2 до 4 учесници, со можност за менторска поддршка од наставник.

Прифатливи формати на решенија се: видеа, анимации, игри, инфографици, дигитални алатки и сè што е иновативно и ја подига дигиталната свест кај младите.

Идеи за развој:

Еве неколку насоки што може да ви помогнат во осмислувањето на проектот:

Развивање на едукативни алатки за дигитална безбедност: Интерактивни дигитални решенија кои ја подигнуваат свеста за ризиците на интернет и ги учат добрите практики за безбедно користење на интернет.
Поддршка на дигитална писменост „peer-to-peer“: Решенија кои ќе ги поттикнат младите да си помагаат и да се едуцираат меѓусебно за безбедно и одговорно однесување на интернет.
Борба против дезинформации и дигитална манипулација: Решенија/Идеи за откривање, критичко размислување и подигање на свеста за лажни или штетни содржини на интернет.
Промовирање на здрави и врамнотежени дигитални навики. Работете на идеи кои им помагаат на целните групи да развијат внимателен и позитивен однос со технологијата и онлајн светот.
Подобрување на соработката помеѓу учениците, наставниците и родителите. Развијте концепти кои ја зајакнуваат соработката и комуникацијата околу безбедноста на интернет помеѓу училиштата, семејствата и младите луѓе.

Начини на реализација:

Креирање на интерактивни содржини: видеа, квизови, симулации, едукативни игри
Вклучување на вештачка интелигенција за зголемување на дигиталната безбедност
Дизајнирање паметни алатки за побезбедни онлајн простори во училиштата

Овие се само насоки – бидете слободни и креативни!

Клучни датуми:

Краен рок за пријавување: 30 април 2025
Објава на избраните тимови: 2 мај 2025
Натпреварот ќе се одржи: 10 и 11 мај 2025 во ФИНКИ, Скопје

ПРИЈАВУВАЊЕ

Како да се пријавиш?

Сите заинтересирани тимови можат да ја поднесат својата апликација преку следниот линк - ФОРМА ЗА ПРИЈАВУВАЊЕ

За повеќе информации контактирајте не на: mksafenet@mdt.gov.mk

ЗА ПРОЕКТОТ MKSAFENET

Проектот MKSAFENET го спроведува Министерството за дигитална трансформација (МДТ) и проектните партнери или Конзорциум, вклучувајќи го и ФИНКИ. Проектот е кофинансиран од Европската Унија и Националните фондови на Република Северна Македонија.

Заедно можеме да создадеме подобра и побезбедна дигитална иднина!

Вклучи се – Кликни Безбедно!

Форма за пребарување

Languages

Доценти

д-р Емил Станков

д-р Бобан Јоксимоски

д-р Илинка Иваноска

д-р Бојан Илијоски

д-р Костадин Мишев

д-р Александар Стојменски