Во рамки на наставата по предметот Софтверски Дефинирана Безбедност, студентите од додипломските студии заедно со студентите вториот циклус на програмата CyberMacs имаа можност да присуствуваат на исклучително интересно и едукативно предавање од Ѓоко Крстиќ, истражувач за безбедносни ранливости во Zero Science Lab.

Преку темата Advanced Vulnerability Discovery, Ѓоко сподели дел од своето искуство во областа на откривање ранливости – комбинирајќи статичка и динамичка анализа, fuzzing техники, симболичка евалуација и рачно реверзирање. Присутните добија увид во реални примери како што се откривањето на CVE-2023-28712 и CVE-2020-12133, како и методите што се користат во истражувачкиот процес.

Посебно внимание беше посветено на новите трендови во областа – хибридни пристапи, автоматизација во CI/CD, и иднината на ранливости базирана на машинско учење и AI-асистирана анализа.

Ова предавање е дел од континуираните напори на ФИНКИ за вклучување на студенти во најновите истражувачки практики и директна соработка со индустријата.
Благодарност до Ѓоко и Zero Science Lab за поддршката и инспиративниот пристап!