Факултетот за информатички науки и компјутерско инженерство ги известува студентите дека можат да ја искористат можноста за исполнување на обврската за тримесечна пракса, согласно меморандумот за соработка со Министерството за образование и наука. Министерството објавува повик за пријавување на заинтересираните студенти за следните позиции:

1. Техничка поддршка на ИТ инфраструктурата и системите на МОН
2. Техничка поддршка за изработка и одржување на веб страни на органите во состав на Министерството

Кандидатите треба да ги исполнува следните услови:

За точка 1:

• Да се редовни студенти на ФИНКИ со завршена 2-ра година
• Познавање  на администрирање на Windows оперативен систем ќе се смета за предност
• Познавање на компјутерски мрежи и компјутерска мрежна опрема ќе се смета за предност
• Комуникативност, организираност, систематичност и темелност во работата, навремено и креативно исполнување на обврските, чувство за тимска работа и одговорност

За точка 2:

• Да се редовни студенти на ФИНКИ со завршена 3-та година
• Познавање администрирање на Wordpress ќе се смета за предност
• Комуникативност, организираност, систематичност и темелност во работата, навремено и креативно исполнување на обврските, чувство за тимска работа и одговорност

Заинтересираните кандидати треба да испратат пријава на следната веб форма (мора да се најавите преку вашите студентски е-адреси!).