Сите студенти кои своите студии сакаат да ги продолжат на ФИНКИ тоа можат да го направат во периодот од 02.09.2020 до 10.09.2020 година. 
 
Потребни документи:
Молба за префрлување
Уверение за положени испити
Наставни планови
Уплатница  на сметката на ФИНКИ на 2000 МКД, со назнака за префралање од друг факултет (согласно ценовникот на ФИНКИ)
 
Услови:
Студентите кои се префрлаат од факултетите на УКИМ продолжуваат да студираат во истата квота од која се префрлаат.
Студентите од други универзитети можат да ги продолжат студиите во квота со кофинансирање.
Поднесувањето на документите се врши електронски, односно сите потребни документи скенирани се праќаат на arhiva@finki.ukim.mk од 02.09.2020 до 10.09.2020 година.
Хартиени документи ќе се доставуваат по конечност на решенијата.
 
Комисија за префрлање ќе ги разгледа сите пристигнати барања и ќе изготви решенија за префрлање. Сите студенти кои ќе добијат позитивно решение и кои се согласуваат со истото, ќе треба да се испишат од матичните факултети и запишат на ФИНКИ, во периодот до 26.09.2020.
 
При запишувањето, студентите треба да донесат:
Матични документи (свидетелства, дипломи, извод од матична книга на родени и уверение за државјантство)
Исписница од преходниот факултет
Пријава за запишување (образец А1)
Индекс и две слики
Уплатница на сметката на ФИНКИ во износ од 400МКД за секој од признаениете предмети според решението (согласно ценовникот  на ФИНКИ) (на пример, за 3 признаени предмети, потребно е да се уплатат 3x400МКД, односно 1200МКД). Исклучок од ова се студентите кои на ФИНКИ преминуваат од ПМФ - студии по информатика или ФЕИТ, бидејки кај нив предметите се пресликуваат во истите наставни програми на ФИНКИ. 
По процесирање на индексот од страна на ФИНКИ, студентите ќе треба да го запишат зимскиот семестар во рокот предвиден за тоа.