Повеќе од 130 различни идеи беа доставени како одговор на предизвикот за климатски промени кој стартуваше во декември минатата година и во чија организација се вклучи и Центарот за Социјални Иновации.

Предизвикот беше наменет за изнаоѓање паметни и иновативни предлози за намалување на влијанието на луѓето врз климата и да се зголеми урбаната отпорност на климатските промени.

Десетте идеи финалисти кои влегоа во потесен круг и ќе учествуваат во кампот за иновации за климатски промени кој ќе се одржи од 17-19 април 2015. За време на кампот, лидерите на избраните идеи ќе работат заедно со менторите, со цел од идеите да се направат модели и прототипи.

По крајот на 48-те часа, тимови се очекува да излезат со основен работен модел за нов проект. Настанот ќе се затвори откако ќе се презентираат сите идеи и ќе бидат доделени награди за победничките идеи кои покажуваат најголем потенцијал да создадат вистинска промена. Две идеи ќе бидат наградени со 10.000 долари грантови. Наградата ќе им биде доделена на победниците преку непарични влогови за развој на нивните прототипи.

Пратете го целиот камп на социјалните медиуми под #ОдТебеЗависи