13/11/2012
Kомпанијата Космик Девелопмент објавува отворен конкурс за прием на студенти за PHP програмерски пракси и ги поканува сите заинтересирани кандидати кои одговараат на бараните квалификации да аплицираат. Исто така компанијата објавува отворен конкурс за прием на практиканти за интересен проект (windows store application) во кој ќе имаат можност да работат со најнови и предизвикувачки технологии.Повеќе информации за конкурсот се дадени во продолжение.
Компанијата Космик Девелопмент е компанија која што ги нуди сите можни услуги поврзани со информатичка технологија, услуги чиј опсег вклучува повеќе нивоа и технологии (како: развој и дизајн на веб-страници, десктоп и мобилни апликации, оптимизација за интернет пребарувачи итн.). Космик Девелопмент е постојано во чекор со најновите иновации, во непрекинат обид да испорача услуги според најновите трендови, а при тоа обезбедувајќи ги клиентите со високо-квалитетни и лесно- надградливи интернет производи. Компанијата е основана во Март 2011, а просториите се лоцирани во новиот бизнис центар Синерџи во Скопје, Р. Македонија.
Поради партнерството со ФИНКИ, студентите на ФИНКИ кои ги завршиле студиите или се во последните години на студии имаат можност да аплицираат и да бидат дел од програмата Cosmic Internship. Во текот на извршувањето на практичната работа, на студентите ќе им се овозможи сопствен работен простор, стекнување на искуство, работа во тим на тековни проекти кои се дел од нашата компанија.
Заинтересираните кандидати за PHP програмерскa праксa потребно е:
- да следеле или тековно да се упишани на 'Програмски практикум' (да се нагласи во CV) и/или да имаат одредени почетни познавања од PHP5, MySQL, JavaScript/AJAX; jQuery, XHTML, CSS;
- да разбираат и да ги применуваат концептите на објектно ориентирано програмирање;
- да покажуваат добри меѓучовечки вештини, флексибилност и приспособливост;
- да покажуваат самоиницијативност;
- да имаат одлично познавање на Англиски јазик
Ве молиме испратете ги своите биографии на англиски јазик на internship@cosmicdevelopment.com, со назнака за 'Cosmic Internship - PHP'. Рокот за пријавување е до 23.11.2012.
Заинтересираните кандидати за windows store application потребно е:
- да имаат познавања и/или искуство со C# програмски јазик и .NET framework;
- да имаат познавања од markup јазиците;
- познавање од XAML ќе се смета за предност;
- искуство со мобилни платформи ќе се смета за предност;
- да разбираат и да ги применуваат концептите на објектно ориентирано програмирање;
- да покажуваат добри меѓучовечки вештини, флексибилност и приспособливост;
- да покажуваат самоиницијативност;
- да имаат одлично познавање на Англиски јазик
Ве молиме испратете ги своите биографии на англиски јазик на internship@cosmicdevelopment.com, со назнака за 'Cosmic Internship - Windows Store Application Developer'. Рокот за пријавување е до 26.11.2012 година.