Чешката влада, преку Министерството за школство, млади и телесно воспитување, им нуди стипендии на студентите од државните универзитети во Република Македонија. Во рамките на програмата се нудат две стипендии на прв и втор циклус на студиски програми кои се изведуваат на чешки јазик и две стипендии за студиски програми на втор и трет циклус на студии кои се изведуваат на англиски јазик.

Препорачаните области за студии на прв и втор циклус кои се изведуваат на чешки јазик се земјоделие, транспорт, техничко-економски и општествени, а за студиски програми на втор и трет циклус кои се изведуваат на англиски јазик се земјоделие, економија (трговија) и информатика.

Заинтересираните кандидати можат да најдат подетални информации на интернет страните на Министерството за школство, млади и телесно воспитување на Република Чешка, во секција International Cooperation, подсекција Scholarships, во написот Government Scholarships - Developing Countries, каде што исто така можат да се преземат сите потребни формулари, вклучувајќи ги и диспозициите за признавање на владините стипендии на Влада на Република Чешка.