Објавено на:
12/06/2012
Пријавувањето на испитите за студентите од втор циклус на ФИНКИ за летниот испитен рок 2011/2012 година, како и заверката на летниот семестар ќе се одвива во периодот од 18.–22.06.2012 година.
Потребни документи
За заверка на семестарот, се доставува
- Индекс
- Семестрален лист (образец за заверка на семестар) пополнет со предметите што се слушале во летниот семестар со уплатница за административна такса од 50,00 денари (се плаќа на уплатница (шифрарник на општини) или преку СМС);
Пријавување испити
Пријавувањето на испитите на ФИНКИ за јунскиот испитен рок 2011/2012 година ќе се одвива во периодот од 18.–22.06.2012 година. Сите студенти на ФИНКИ испитите ги пријавуваат на ФИНКИ, без разлика каде ги слушале.
Системот за електронски студентски сервиси iKnow за прв пат се активира за сите студенти на ФИНКИ, за пријавување испити во оваа сесија. Податоците за студентите се мигрирани од претходните системи и можни се мали неконзистентности. Доколку наидете на недоследности заради миграциите на податоци кои ве спречуваат да пријавите испити, пратете тикет на ТИКЕТИНГ СИСТЕМОТ.
Тикетинг системот е достапен на адресата http://help.students.finki.ukim.mk/
При пријаувањето на проблем со задолжително изберете тема: Пријавување испити, бидејќи така се гарантира дека вашиот проблем ќе биде проследен на вистинското место во најкраток рок.
Најавувањето е преку централниот автентикациски сервис на ФИНКИ (CAS) преку адресата: http://finki.iknow.ukim.edu.mk
Откако ќе се најавите на системот, пред вас се отвара почетната страница за студентите. На неа се наоѓаат активни соопштенија кои биле поставени од факултетот. Главното мени за навигација се наоѓа на горниот дел од страницата веднаш под името, презимето и бр. индекс на најавениот студент.
Втората опција од менито ве води на страница на која можете да ги видите вашите лични податоци кои се внесени во системот при запишувањето. Третата опција е 'Запишани семестри'. На оваа страница студентот има увид во тоа кои семестри му се веќе запишани. Во табот 'Предмети' студентот има увид во запишаните предмети во семестрите кои ги запишал. Во табот 'Испити' може да има увид кои предмети му се внесени во системот како положени и која е соодветната оценка која ја има добиено за истите.
Во табот 'Пријави' студентот има можност да прати електронска пријава за испит за некој од запишаните предмети. Од листата со веќе слушани предмети треба да се избере професорот кај кој е слушан предметот и ќе се полага и да се штиклира квадратчето во колоната 'Пријави'. Откако ќе ги штиклирате сите предмети кои сакате да ги пријавите, кликнете го копчето 'Пријави'. Во табелата со пријавени испити, кај секој пријавен испит се појавува сериски број на пријавата. Серискиот број на електронската пријава задолжително треба да се впише на хартиената пријава.Серискиот број треба да се напише на горниот десен агол од пријавата, на нејзината задна страна.
Во табелата на веќе пријавени испити има колона „Таксени”. Кај секоја пријава (во секој ред) може да се кликне на вредноста во оваа колона при што се отвора формата со таксени марки за таа пријава. Во формата може да се внесе СМС код од електронска таксена марка заедно со износот на таа СМС уплата. Системот по извесно време автоматски ќе ја валидира таксената марка на соодветниот државен сервис.
Хартиена пријава
Хартиените пријави НЕ СЕ НОСАТ во службата за студентски прашања, туку дирекно на професорите на испит.
Хартиената пријава се купува во околните книжари, скриптари и други продажни места за студентски документи. Истата треба да има потврда за платена административна такса од 50МКД (електронски, според ова упатство при што се запишува трансакцискиот број добиен со СМС порака, во горниот десен агол на предната страна на пријавата или прикачена уплатница која е достапна тука за уплатена административна такса) (шифрарникот на општини е достапен тука).
Право на полагање на испит ќе имаат само оние студенти кои ќе имаат уредна електронска пријава, а во терминот за испит (за полагање преку колоквиум во терминот за подигање оценки) ќе донесат и хартиена пријава.
Студентите кои нема да донесат хартиена пријава, нема да имаат право да полагаат односно нема да имаат можност да им се внесе оценката добиена на преку колоквиумите.
Се пријавуваат сите испити кои студентот планира да ги полагаа во сесијата.
Скопје, 12.06.2012 година, од Деканатот на ФИНКИ - Скопје