Овие студии имаат за цел обезбедување на врвен инженерски кадар за задоволување на се поголемата побарувачка за софтверски инженери, особено програмери. Студентите на оваа студиска програма се здобиваат со знаења кои им обезбедуваат голема професионална флексибилност и широк избор на работни места секаде каде постои потреба од анализа, спецификација, дизајн, проектирање, имплементација и програмирање, проектно управување и одржување на софтвер и информациски системи. Дипломираниот инженер од овој профил својата кариера може да ја гради во софтверската индустријата, во јавниот и услужениот сектор, но, особено во компаниите за развој на софтвер, кај информациските системи што треба да работат во реално време, мобилните и хибридни апликации, софтвери кои работат на интернет и во облак, напредни кориснички интерфејси, решенија поврзани со дизајн и имплементација на софтверски системи и друго.

Дипломиран инженер по информатички технологии и компјутерско инженерство, насока софтверско инженерство и информациски системи

Bachelor of Science in Software Engineering and Information Technologies (180 ECTS)

Во наставната програма е предвидено да има 22 задолжителни предмети, и 9 изборни предмети.
Сите изборни предмети се поделени во три групи на тежина (Н1, Н2 и Н3). Тежината е прикажана во кодот на предметите. Предмети што содржат L1 се предмети од група на тежина Н1. Предмети што содржат L2 се предмети од група на тежина Н2. Предмети што во кодот содржат L3, се предмети од група на тежина Н3. Правилата за изборност на предмети според нивото се дефинирани како:
• Број на предмети од Н1- вкупниот број кредити на избрани изборни предмети од групата Н1 не смее да надминува 6 кредити.
• Број на предмети од Н2- вкупниот број кредити на избрани изборни предмети од групата Н2 не смее да надминува 36 кредити.
• Број на предмети од Н3 – нема ограничување во бројот на избрани предмети од групата Н3.
Студентот може да избере и повеќе предмети од групата Н1 и групата Н2 од предвидениот број, но, во тој случај кредитите освоени за овие предмети не влегуваат во вкупниот број на кредити потребни за стекнување на дипломата. Студентот може да добие најмногу 6 ЕКТС кредити од екстракурикуларни активности одобрени од наставно научниот совет на факултетот. Положените предмети и освоените кредити ќе бидат дел од листата на положени предмети во уверението за положени предмети по завршување на факултетот.