Рецензија - ЛИНК.
Одлука за избор - ЛИНК

Роден е 1955 година во Скопје. Дипломирал на Електротехничкиот факултет во Скопје во 1980 година, а магистрирал на Електротехничкиот факултет во Белград во 1988 година. Докторирал на универзитетот “Св. Кирил и Методиј” во Скопје во 1989 година. На Електротехничкиот факултет во Скопје бил вработен во период од 1986 година до 1998 година во звањата: асистент (1986), доцент (1990) и вонреден професор (1995). На Институтот за компјутерска техника и информатика при Електротехничкиот факултет (кој во меѓувреме го промени називот во Факултет за електротехника и информациски технологии) е повторно вработен од 2007 година во звањето редовен професор. Во периодот 01.01.1992 – 01.06.1993 престојувал на Универзитетот на Калифорнија, Беркли. Од 1998 година е вработен на Универзитетот на Калифонија Сан Диего, прво во звањето вонреден истражувач, а од 2000 година во научното звање истражувач (еквивалентно на редовен професор). Редовен член на МАНУ е од 2007 година. Автор е на повеќе од 100 научни статии публикувани во повеќе од 20 различни списанија, од кои 22 статии се публикувани во IEEE списанија. Неговите трудови, според Science Citation Index, до 2009 година се цитирани повеќе од 4000 пати. Бил едитор на 3 книги, едитор во списанието IEEE Transactions on Circuits and Systems (во периодите 2002 – 2004 и 2006 – 2008), а од 2007 година е едитор во списанието Journal of the Franklin Institute. Автор е на 6 патенти одобрени во EU и USA. Бил раководител на повеќе проекти, а во 2009 година е раководител (ко-раководител) на 4 проекти финансирани од Р Македонија (фондот на МАНУ), Европска унија (FP6), САД (National Science Foundation) и Кина (Honk Kong Research Grant Council). Избран е за fellow на IEEE во 2006 година. Области на научен интерес му се: нелинеарни електрични кола и системи, динамички системи, компјутерски мрежи, комплексни мрежи, кодирање, криптографија, биоинформатика и пресметувачка биологија.

Роден е 1955 година во Скопје. Дипломирал на Електротехничкиот факултет во Скопје во 1980 година, а магистрирал на Електротехничкиот факултет во Белград во 1988 година. Докторирал на универзитетот “Св. Кирил и Методиј” во Скопје во 1989 година. На Електротехничкиот факултет во Скопје бил вработен во период од 1986 година до 1998 година во звањата: асистент (1986), доцент (1990) и вонреден професор (1995). На Институтот за компјутерска техника и информатика при Електротехничкиот факултет (кој во меѓувреме го промени називот во Факултет за електротехника и информациски технологии) е повторно вработен од 2007 година во звањето редовен професор. Во периодот 01.01.1992 – 01.06.1993 престојувал на Универзитетот на Калифорнија, Беркли. Од 1998 година е вработен на Универзитетот на Калифонија Сан Диего, прво во звањето вонреден истражувач, а од 2000 година во научното звање истражувач (еквивалентно на редовен професор). Редовен член на МАНУ е од 2007 година. Автор е на повеќе од 100 научни статии публикувани во повеќе од 20 различни списанија, од кои 22 статии се публикувани во IEEE списанија. Неговите трудови, според Science Citation Index, до 2009 година се цитирани повеќе од 4000 пати. Бил едитор на 3 книги, едитор во списанието IEEE Transactions on Circuits and Systems (во периодите 2002 – 2004 и 2006 – 2008), а од 2007 година е едитор во списанието Journal of the Franklin Institute. Автор е на 6 патенти одобрени во EU и USA. Бил раководител на повеќе проекти, а во 2009 година е раководител (ко-раководител) на 4 проекти финансирани од Р Македонија (фондот на МАНУ), Европска унија (FP6), САД (National Science Foundation) и Кина (Honk Kong Research Grant Council). Избран е за fellow на IEEE во 2006 година. Области на научен интерес му се: нелинеарни електрични кола и системи, динамички системи, компјутерски мрежи, комплексни мрежи, кодирање, криптографија, биоинформатика и пресметувачка биологија.

(Октомври 2011) Андреа Кулаков заврши гимназија во 1990, на возраст од 16 години, откако успеа на два пати да зема по две школски години во една (7 и 8 одд. и III и IV год. во средно). Потоа се запиша на Електротехнички факултет Скопје и во 1995 година дипломира со највисок просек 9,91 во својата генерација 1990-95. Во 1995 ги почна постдипломските студии по Когнитивни науки на Нов бугарски универзитет во Софија, Бугарија, во мала меѓународна група на студенти со настава на англиски јазик. Студиите ги заврши со одличен успех (5,71 од макс. 6,00). Во јули 1998 ја одбрани својата магистерска теза “Vygovorotsky – An Anticipative and Analogy-making Actor” со одличен успех (5,50), пред пет-члена меѓународна комисија (без менторот). Во 1999 магистерската диплома беше нострифицирана на Електротехнички факултет Скопје. Во текот на 9 месечниот воен рок во 1999 г. беше и демонстратор на Воената академија по предметот „Информатика“. Потоа шест месеци работеше во меѓународната софтверска компанија Мак-Систем, од кои месец и пол беше на обука во Париз, Франција. Од април 2000 г. до септември 2011 г., Андреа Кулаков беше вработен на Институтот за Компјутерска техника и информатика при Електротехнички факултет (подоцна Факултет за електротехника и информациски технологии) Скопје, прво како асистент, а од 2007 г. како доцент. Има предавано повеќе предмети од областите на Вештачка интелигенција, Роботика и Бази на податоци и во прв и во втор циклус на студии. Во јуни 2005 година ја освои наградата за истражувања кои водат до одбрана на докторска дисертација од најголемото друштво на електро инженери ИЕЕЕ, поточно од нивното Друштво за Компјутерска интелигенција (http://ieee-cis.org/edu/research/ подолу, во делот за 2005). Во декември 2006 година ја одбрани својата докторска теза “Управување со податоци кај безжични сензорски мрежи” на Факултетот за електротехника и информациски технологии. Бил истражувач и главен истражувач на неколку домашни и меѓународни проекти, финансирани од МОН, од програмите ТЕМПУС и од Рамковната програма 6 на Европската Унија. Во 2008 го основа напредното технолошко Друштво за истражување и развој НИ ТЕКНА – Интелигентни технологии (www.ni-tekna.com), кое работи на развој на напредни решенија каде е неопходна примената на техниките од Вештачката интелигенција. Во март 2011 беше еден од основачите на Факултетот за информатички науки и компјутерско инженерство Скопје. Во Август 2011 беше избран за раководител на Институтот за интелигентни системи при Факултетот за информатички науки и компјутерско инженерство. Одговорен е за неколку предмети на додипломски и магистерски студии од областите вештачка интелигенција, анализа на податоци, роботика и безжични сензорски мрежи. Има објавено преку 60 научни труда на меѓународни конференции и во меѓународни списанија, како и поглавје во книга. Неговите истражувања се фокусирани на областите: роботика, деловна интелигенција, обработка на слика и звук и други подобласти на когнитивни науки и вештачка интелигенција. Покрај мајчиниот македонски, зборува течно и англиски, српски и бугарски, а се служи и со германски, француски, руски и словенечки јазик.

Рецензија - ЛИНК.
Одлука за избор - ЛИНК

Роден на 1 март 1978 година во Скопје, каде што ги завршил основното и средното образование со одличен успех. Во текот на школувањето учествувал и освојувал награди на повеќе натпревари, меѓу кои на Државниот натпревар по информатика за средношколци во 1996 година освоил I награда, а учествувал на 8. Интернационална олимпијада по информатика и на 4. Балканска олимпијада по информатика, како претставник од Р. Македонија. При завршувањето на средното училиште бил прогласен за првенец на генерацијата. Истовремено, со успех ги завршил курсевите по англиски јазик во Центарот за странски јазици во Скопје и се стекнал со диплома од Универзитетот во Кембриџ за положен прв сертификат по англиски јазик. На студиите по информатика на ПМФ се запишал во академската 1996/97 година Дипломирал во 2000 година како најдобар студент на Факултетот и на Универзитетот, со среден успех 9.91. Во текот на студиите добил многубројни признанија за учество на меѓународни студентски натпревари за програмирање, организирани од здружението ACM, на кои во 1999 година го освоил второто место, како член на тимот на студенти по информатика при ИИ, и се пласирал за 24. ACM интернационално студентско светско финале, кое се одржа во 2000 година во Орландо, САД. По третата година на студииите, престојувал во лабораториите на компанијата Филипс во Ајндховен, Холандија, каде што работел на проучување на техниките за кодирање кај мултикаст-протоколите. Од октомври 2000 до март 2001 година работел како демонстратор на ИИ при ПМФ, а потоа бил избран за помлад асистент. Во 2001 година запишал постдипломски студии по информатика при ПМФ, кои ги завршил во 2004 година, со одбрана на магистерскиот труд под наслов “Комуникации кај грид-технологијата”, под менторство на проф. д-р Марјан Гушев. Во 2010 година со одбрана на докторската дисертација под наслов "Моделирање и верификација на грид процесни текови" се здобил со звањето доктор по информатички науки, по што во 2011 е избран за доцент. Изведува настава по предметите: мрежни и дистрибуирани оперативни системи, системски софтвер, вовед во ИТ. За студентите на ИИ изведувал вежби по предметите: вовед во информатиката 1, вовед во информатиката 2, конечна математика, нумеричко сметање со програмирање, програмски јазици, архитектура на компјутерските системи, алгоритми и автомати, структури на податоци, формални јазици и автомати, оперативни системи, паралелно и дистрибуирано процесирање, мрежни оперативни системи, теорија на програмирањето и системски софтвер. Раководител е на меѓународниот проект од FP7 програмата за Европската грид иницијатива. Бил соработник во 15 меѓународни проекти од областа на информатиката и унапредувањето на наставата по информатика. Значителен удел има во проектите SEE-GRID, SEE-GRID-2, SEE-GRID-SCI, како главно лице за техничките активности во имплементацијата на грид-технологијата во Република Македонија. Учествувал во преку 20 работилници како предавач и има остварено 10 кратки посети на универзитети и летни школи. Научниот интерес му претставуаат областите: грид пресметување, пресметување со високи перформанси, паралелно и дистрибуирано процесирање, генетски алгоритми, од кои има објавено 18 научни трудови на меѓународни конференции и 1 научен труд во меѓународно списание.Роден на 1 март 1978 година во Скопје, каде што ги завршил основното и средното образование со одличен успех. Во текот на школувањето учествувал и освојувал награди на повеќе натпревари, меѓу кои на Државниот натпревар по информатика за средношколци во 1996 година освоил I награда, а учествувал на 8. Интернационална олимпијада по информатика и на 4. Балканска олимпијада по информатика, како претставник од Р. Македонија. При завршувањето на средното училиште бил прогласен за првенец на генерацијата. Истовремено, со успех ги завршил курсевите по англиски јазик во Центарот за странски јазици во Скопје и се стекнал со диплома од Универзитетот во Кембриџ за положен прв сертификат по англиски јазик. На студиите по информатика на ПМФ се запишал во академската 1996/97 година Дипломирал во 2000 година како најдобар студент на Факултетот и на Универзитетот, со среден успех 9.91. Во текот на студиите добил многубројни признанија за учество на меѓународни студентски натпревари за програмирање, организирани од здружението ACM, на кои во 1999 година го освоил второто место, како член на тимот на студенти по информатика при ИИ, и се пласирал за 24. ACM интернационално студентско светско финале, кое се одржа во 2000 година во Орландо, САД. По третата година на студииите, престојувал во лабораториите на компанијата Филипс во Ајндховен, Холандија, каде што работел на проучување на техниките за кодирање кај мултикаст-протоколите. Од октомври 2000 до март 2001 година работел како демонстратор на ИИ при ПМФ, а потоа бил избран за помлад асистент. Во 2001 година запишал постдипломски студии по информатика при ПМФ, кои ги завршил во 2004 година, со одбрана на магистерскиот труд под наслов “Комуникации кај грид-технологијата”, под менторство на проф. д-р Марјан Гушев. Во 2010 година со одбрана на докторската дисертација под наслов "Моделирање и верификација на грид процесни текови" се здобил со звањето доктор по информатички науки, по што во 2011 е избран за доцент. Изведува настава по предметите: мрежни и дистрибуирани оперативни системи, системски софтвер, вовед во ИТ. За студентите на ИИ изведувал вежби по предметите: вовед во информатиката 1, вовед во информатиката 2, конечна математика, нумеричко сметање со програмирање, програмски јазици, архитектура на компјутерските системи, алгоритми и автомати, структури на податоци, формални јазици и автомати, оперативни системи, паралелно и дистрибуирано процесирање, мрежни оперативни системи, теорија на програмирањето и системски софтвер. Раководител е на меѓународниот проект од FP7 програмата за Европската грид иницијатива. Бил соработник во 15 меѓународни проекти од областа на информатиката и унапредувањето на наставата по информатика. Значителен удел има во проектите SEE-GRID, SEE-GRID-2, SEE-GRID-SCI, како главно лице за техничките активности во имплементацијата на грид-технологијата во Република Македонија. Учествувал во преку 20 работилници како предавач и има остварено 10 кратки посети на универзитети и летни школи. Научниот интерес му претставуаат областите: грид пресметување, пресметување со високи перформанси, паралелно и дистрибуирано процесирање, генетски алгоритми, од кои има објавено 18 научни трудови на меѓународни конференции и 1 научен труд во меѓународно списание.