Целта на оваа студиска програма е да одговори на ова барање и да понуди образовани програмери кои се спремни за вклучување на пазарот на трудот. Брзиот развој во областа бара и соодветни измени и модификации на постоечките високо-образовни курсеви со цел во истите да се вклучат новите достигнувања но, и да се прилагодат на потребите на самата индустрија. Студиската програма вклучува практични курсеви кои се наменети да им овоможат на студентите да се стекнат со потребните вештини за дизајн, развој и тестирање на софтверски апликации. Истата обезбедува едукација на програмери кои не само што ќе можат да одговорат на потребите на брзо растечката софтверска индустрија туку ќе овозможат и нејзин понатамошен развој. За таа цел студиската програма ќе ги подготви студентите и за потребата за доживотно учење со што истите ќе може да ги следат сите измени во софтверската индустрија. Студиите се дизајнирани на начин кој овозможува на студентите кои успешно ќе ги завршат, да можат да продолжат и да се доедуцираат на некоја од останатите насоки на ФИНКИ со цел да може да стекнат повисок степен на образование.

Виш стручен програмер

Bachelor of Applied Science in programming (120 ECTS)

Во наставната програма е предвидено да има 14 задолжителни предмети, и 6 изборни предмети.
Студентот може да избере од понудените предмети на оваа студиска програма. Студентот може да добие најмногу 6 ЕКТС кредити од екстракурикуларни активности одобрени од наставно научниот совет на факултетот. Положените предмети и освоените кредити ќе бидат дел од листата на положени предмети во уверението за положени предмети по завршување на студиите. Предуслови за предметите не важат за оваа студиска програма.
Студентите кои ќе ги завршат овие студии, ќе можат да продолжат на академските студии од прв циклус на насоката Примена на информациски технологии, при што сите положени предмети ќе бидат еквивалентирани со соодветните предмети на таа насока.